«ՊԱՏԱՆԻ ԻՐԱՆԱԳԵՏ» ակումբը սկսում է սովորողների հավաքագրման գործընթացը և կգործի ինչպես «Մխիթար Սեբաստացի» կրթահամալիրի տարածքում, այնպես էլ առցանց՝ Teams հարթակում։
Քանի որ «Մխիթար Սեբաստացի» կրթահամալիրում իրականացվում է ճամփորդությամբ ուսուցում, և սեբաստացի սովորողներն ու դասավանդողները ճամփորդներ են, կարևոր ենք համարում ինչպես Հայաստանի պարսկերեն ուսումնասիրող դպրոցների հետ համագործակցությունը և փոխադարձ այցելությունները, այնպես էլ ճամփորդությունները մեր հարևան երկիր Իրան՝ վերջինիս մշակույթը, պատմությունը, աշխարհագրությունն ու ժողովուրդներին ավելի մոտիկից ծանոթանալու և ուսումնասիրելու համար։