Նարե Ղազարյանի «ՀԵՏՊԱՏԱՐԶՄՅԱՆ ՀԱՍԱՐԱԿՈՒԹՅՈՒՆՆԵՐԸ ԵՎՐՈՊԱՅՈՒՄ» հետազոտական աշխատանքը բաղկացած է ներածությունից, երեք գլուխներից, եզրակացությունից ու գրականության ցանկից։ Աշխատանքի մեջ լուսաբանվել է Երկրորդ աշխարհամարտի սկզբնավորման հիմնապատճառները, տրվել է մի շարք կարևորագույն հասկացությունների, ինչպիսիք են «պատերազմ», «դեպրեսիա» և այլ երևույթների սահմանումներ, մանրամասն ներկայացված է Մեծ Բրիտանիայի ու Ֆրանսիայի շահադիտական դիրքորոշումը ֆաշիստական գերմանիայի նկատմամբ։ Հեղինակը գրել է այն ավերիչ տնտեսական հետևանքների ու արդյունքների մասին, որոնք ի հայտ էին եկել Երկրորդ աշխարհամարտից հետո։
Հասնելով տնտեսական վերափոխումների ժամանակաշրջանին, Նարեն հիմնավոր կերպով ներկայացնում է Եվրոպայի արևելյան, արևմտյան ու հարավային տարածաշրջանների զարգացման առանձնահատկությունները։
Սոցիոլոգների ուսումնասիրությունը շատ կարևոր է հասկանալու պատերազմի հետևանքով մարդկային խեղված ճակատագրերի, սերունդների պայքարի ընթացքը և բովանդակությունը հասկանալու համար։
Հետազոտական աշխատանքում անդրադարձ է կատարվել նաև վեր հանելու պատերազմի հետևանքով ՀԽՍՀ-ում հայտնված գերիների գործունեության, գերիների կողմից կատարված շինարարական աշխատանքները, որոնց մասին «Հայոց պատմության» դասագրքերը հաճախ չեն բարձրաձայնում։
Հարկ եմ համարում նշել, որ հետազոտական աշխատանքում Առաջին աշխարհամարտից հետո ձևավորված Վերսալ-Վաշինգտոնյան հետպատերազմյան աշխարհակարգին արժանի ուշադրություն չի դարձվել, իսկ գլուխ 1․1․-ում պետք է ավելի մանրամասն ներկայացվեր «Ֆաշիզմի ու նացիզմի» գաղափարախոսությունները։
Ընդհանուր առմամբ, հետազոտական աշխատանքը համարում եմ ստացված ու հաջողված, և ցանկությունս եմ հայտնում հետազոտական աշխատանքի հետագա աշխատանքների մեջ ուշադրություն դարձնել վերոհիշյալ կետերին։
Գրախոս՝ Լևոն Միրզոյան